(ភ្នំពេញ)៖ មនុស្សចំនួន ៥៨០នាក់ទៀត ត្រូវបានរកឃើញថាមានវិជ្ជមានវីរុសកូវីដ-១៩ ឯអ្នកជំងឺ ចំនួន ១៧៧នាក់ទៀតបានជាសះស្បើយចេញពីមន្ទីរពេទ្យ នៅថ្ងៃទី២៥ ខែមេសា ឆ្នាំ២០២១ បន្ទាប់ពីបានធ្វើតេស្តឃើញអវិជ្ជមានចំនួន២លើក ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។ នេះបើតាមសេចក្តីប្រកាសព័ត៌មានក្រសួងសុខាភិបាល នៅព្រឹកថ្ងៃទី២៦ ខែមេសា ឆ្នាំ២០២១។

មនុស្សនៅក្នុងរាជធានីភ្នំពេញចំនួន ៣៣៨នាក់ ត្រូវបានរកឃើញថាមានវិជ្ជមានវីរុសកូវីដ១៩ ស្របពេលដែលមនុស្សរស់នៅក្នុងខេត្តព្រះសីហនុ ៩១នាក់ ខេត្តបន្ទាយមានជ័យ ៩១នាក់ ខេត្តកណ្ដាល ៥១នាក់ ខេត្តកំពង់ធំ ២នាក់ ខេត្តព្រៃវែង ២នាក់ ខេត្តស្វាយរៀង ១ នាក់ ខេត្តត្បូងឃ្មុំ ១នាក់ ខេត្តកែប ១នាក់ ខេត្តកំពង់ឆ្នាំ ១នាក់ និងខេត្តកំពង់ស្ពឺ ១នាក់ និងនាក់ដំណើរជាពលករធ្វើមកពីប្រទេសថៃ ចំនួន ១នាក់ទៀតក៏ត្រូវបានរកឃើញថាមានវីរុសកូវីដ-១៩។

សូមជម្រាបថា គិតត្រឹមថ្ងៃទី២៦ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងសរុបចំនួន ១០ ៥៥៥នាក់ ក្នុងនោះករណីសហគមន៍២០កុម្ភៈ ចំនួន ១០ ០០៥នាក់, អ្នកជាសះស្បើយចំនួន ៣ ៥៧៧នាក់, អ្នកកំពុងសម្រាកព្យាបាលចំនួន៦ ៨៩២នាក់ និងអ្នកស្លាប់ចំនួន៧៩នាក់៕